ሱኖ በፈቃድ በተገኘ የሙዚቃ መረጃ የሠለጠነ አዲስ የኤ.አይ ሞዴል ይፋ አደረገ
· Other
Suno Launches v6 AI Music Models with Multimodal Creation, Advanced Editing, Licensed Training Data, and Enhanced Copyright Protection
በኤ.አይ ሙዚቃ ፈጠራ የሚታወቀው ኩባንያ ሱኖ ቪ6 (Suno v6) የተሰኘ አዲስ ሞዴል አስተዋውቋል፡፡ ሞዴሉ ከዋርነር ሙዚክ ግሩፕ፣ ከቢ.ኤም.ጂ እና ከቢሊቭ በፈቃድ በተገኘ መረጃ መሠልጠኑን ኩባንያው ገልጿል።
ከዚህ ጎን ለጎን ለሙከራና አዳዲስ የሙዚቃ ሀሳቦችን ለማፈላለግ የሚያገለግለውን Suno v6-wild እንዲሁም ለሁሉም ተጠቃሚዎች ክፍት የሆነውን Suno v6-mini ሞዴል አስተዋውቋል።
ሦስቱም ሞዴሎች ተጠቃሚዎች በጽሑፍ ትዕዛዝ የዘፈን ክፍሎችን እንዲያስተካክሉ፣ እንዲሁም ጽሑፍን፣ ምስልን ወይም ቪዲዮን መነሻ በማድረግ ሙዚቃ እንዲፈጥሩ ያስችላሉ። በተጨማሪም ከናሙና ውስጥ አንድን የሙዚቃ መሣሪያ ድምፅ ነጥሎ በማውጣት አዲስ ስልተ ምት መፍጠር የሚያስችል አማራጭ አላቸው።
ኩባንያው አርቲስቶች ፈቃድ ሲሰጡ ዘፈኖቻቸው እንደገና እንዲቀናበሩ የሚያደርግ አዲስ አገልግሎት ለማስተዋወቅ እየሠራ መሆኑንም ጠቁሟል። በኤ.አይ በተፈጠሩ ዘፈኖች ላይ ልዩ ምልክት ለመጨመር ማቀዱንና ተጠቃሚዎች በመረጡት የክፍያ ዕቅድ መሠረት ሙዚቃ የሚያወርዱበት ገደብ እንደሚኖር አስታውቋል።
Source: Ethiopian Artificial Intelligence Institute