የኢትዮጵያ አርቲፊሻል ኢንተለጀንስ ኢንስቲትዩት እና ጂንካ ዩኒቨርሲቲ በጋራ መስራት የሚያስችላቸውን የመግባቢያ ስምምነት ተፈራረሙ፡፡
· MOU
EAII and Jinka University Partner to Advance AI Research, Education, and National Innovation through Strategic Collaboration.
የመግባቢያ ስምምነት ሰነዱን የኢትዮጵያ አርቲፊሻል ኢንተለጀንስ ኢንስቲትዩት ዋና ዳይሬክተር ዶ/ር ወርቁ ጋቸና እና የዩኒቨርሲቲው ፕሬዝዳንት ዶ/ር ዮሐንስ ይትባረክ ተፈራርመዋል።
የስምምነት ሰነዱ በሁለቱ ተቋማት መካከል ትብብርን በማጠናከር የምርምር፣ የትምህርት እና ልማት ሥራዎችን በአርቲፊሻል ኢንተለጀንስ በማገዝ ለማሳደግ ያለመ ነው።
የኢንስቲትዩቱ ዋና ዳይሬክተር ዶ/ር ወርቁ ጋቸና በኢንዱስትሪ እና በትምህርት ዘርፎች መካከል ያለውን ትስስር ለማጎልበት ኢንስቲትዩቱ ከከፍተኛ የትምህርት ተቋማት ጋር በርካታ ስራዎችን እየሰራ እንደሚገኝ ገልጸዋል። አክለውም በስምምነቱ መሰረት ዩኒቨርሲቲው የሚያከናውናቸውን የምርምር ሥራዎች በኤ.አይ በማገዝ ለሀገራችን ችግር ፈቺ የሆኑ የልማት ውጤቶችን ለማበርከት መስራት አለብን ሲሉ አጽንኦት ሰጥተው ተናግረዋል።
የዩኒቨርሲቲው ፕሬዝዳንት ዶ/ር ዮሐንስ በበኩላቸው ኢንስቲትዩቱ እየሰራ ያለው ስራ ለአፍሪካ ተምሳሌታዊ ነው ሲሉ አድንቀዋል። ከዚህ በተጨማሪም ስምምነቱ ዩኒቨርሲቲው እየሰራ ያለውን የዲጂታላይዜሽን ስራ ይበልጥ እንደሚያጎለብት እና ትልቅ አቅም እንደሚፈጥር ገልጸዋል፡፡ ከዚህ በተጨማሪም ስምምነቱ ኢንስቲትዩቱ በሚያዘጋጃቸው የኤ.አይ የታዳጊዎች የክረምት ስልጠና እና የሶስተኛ ዲግሪ መርኃ ግብሮች ላይ የዩኒቨርሲቲውን ማህበረሰብ በማሳተፍ በቴክኖሎጂው ዘርፍ የሰለጠነ የሰው ኃይል እንዲኖር እድል ይፈጥራል ሲሉ ተናግረዋል።
Source: Ethiopian Artificial Intelligence Institute