“በኢትዮጵያ የኤ.አይ ዩኒቨርሲቲ ውስጥ ኤ.አይ ራሱ የቦርድ አባል ነው” ጠቅላይ ሚኒስትር ዐቢይ አሕመድ (ዶ/ር)
· Other
Prime Minister Abiy Ahmed Says Ethiopia’s AI University Uses AI as a Board Member to Drive Innovation, Productivity, and Economic Growth
ጠቅላይ ሚኒስትር ዐቢይ አሕመድ (ዶ/ር) በትናንትናው ዕለት ከኢትዮጵያ ብሮድካስቲንግ ኮርፖሬሽን (ኢ.ቢ.ሲ) ጋር ባደረጉት ቆይታ የሰው ሰራሽ አስተውሎት ቴክኖሎጂ አንዱ የትኩረት ማዕከላቸው ነበር።
ጠቅላይ ሚኒስትሩ በንግግራቸው እንደገለጹት፤ በአንዳንድ ዓለማቀፍ ተቋማት ውስጥ ከአሥሩ የቦርድ አባላት መካከል አንዱ "ድምፅ አልባው" ኤ.አይ ነው። ይህንኑ ተሞክሮ በማስፋት፤ በኢትዮጵያ እየተገነባ በሚገኘው የኤ.አይ ዩኒቨርሲቲ ውስጥም ኤ.አይ ራሱ የቦርድ አባል እንደሆነ ጠቁመዋል።
ኤ.አይ በቦርድ ስብሰባዎች ወቅት ድምፅ ባይሰጥም፤ ክርክር በሚደረግባቸው አጀንዳዎች ላይ ግን ዝርዝር መረጃዎችንና ሐሳቦችን ያቀርባል ያሉት ጠቅላይ ሚኒስትሩ፤ የቦርድ አባላቱም ከቴክኖሎጂው የሚያገኙትን ግብዓት መነሻ በማድረግ የመጨረሻ ውሳኔዎችን ያሳልፋሉ።
ጠቅላይ ሚኒስትሩ አክለውም ኤ.አይ ስለ ማንኛውም ጉዳይ ቢጠየቅ መልሱ ከሰው በተሻለ የመረዳት ጥልቀት ያለውና ፈጣን ነው፡፡ ምላሹ ሙሉ በሙሉ የሚወሰድ ባይሆን እንኳን በሰው ልጅ አ ዕምሮ ለሚደረግ ክርክር ትልቅ ግብዓት ይሆናል ብለዋል።
ኤ.አይ በኢንዱስትሪው ውስጥ ምርታማነትን በመጨመር፣ ተመራጭ የኤክስፖርት ምርቶችን በመጠቆም፣ የሥራ ፍጥነትን በማሳለጥና ገበያን በማስተሳሰር ረገድ የሚጫወተው ሚና ከፍተኛ መሆኑን ጠቅላይ ሚኒስትሩ አብራርተዋል።
Source: Ethiopian Artificial Intelligence Institute