ዳታ ፕሮቨናንስ (Data provenance) ተዓማኒነት ላለው የኤ.አይ ቴክኖሎጂ
· AI Solutions
Data provenance enables organizations to trace the full lifecycle of data ensuring legality, transparency, and fairness making it a foundational pillar for responsible AI development and reliable decision-making.
ዳታ ፕሮቨናንስ (Data provenance) ማለት የዳታዎችን ወይም የዳታ ቋቶችን ታሪክ፣ ከየት እንደመጡ፣ እንዴት እንደተሰበሰቡ፣ የማን እንደሆኑ፣ እንዴት እንደተሰሩ እና በመጨረሻም እንዴት ጥቅም ላይ እንደዋሉ የመከታተል ሂደት ነው፡፡ ለውሳኔ አሰጣጥ እና ለኤ.አይ ቴክኖሎጂ አስፈላጊ የሆነው ዳታ መተማመንን፣ ተጠያቂነትን እና ፍትሃዊነትን ለማረጋገጥ የዳታ ፕሮቨናንስ አስፈላጊ መሆኑን የአይ.ቢ.ኤም ድረ-ገጽ መረጃ ያሳያል፡፡
የዳታ ፕሮቨናንስ መኖር የተለያዩ የኤ.አይ ሥርዓቶችን ለማበልፀግ ጥቅም ላይ የዋሉ ዳታዎች በሕጋዊ መንገድ የተሰበሰበ ስለመሆናቸው፣ ፍቃድ እንደተሰጠባቸው፣ ወይም በተሰበሰበው ዳታ ውስጥ የተደበቀ አድልዎ ወይም ማጭበርበር መኖሩን ማረጋገጥ እንዲቻል ያደርጋል፡፡
ለአብነት ሕመሞችን ለመመርመር ኤ.አይን የሚጠቀም የጤና አጠባበቅ ሥርዓት ውስጥ የዳታ ፕሮቨናንስ ሐኪሞች የታካሚውን ዳታ ከመነሻው እንዲከታተሉ፣ በሥነ-ምግባር መሰብሰቡን እንዲያረጋግጡ እና ቴክኖሎጂው ዳታውን የተጠቀመበትን መንገድ እንዲረዱ ያስችላል።
ይህም የኤ.አይ ቴክኖሎጂን ይበልጥ ግልጽ፣ ተግባራዊ ለማድረግ ደህንነቱ የተጠበቀ እና ከሰው ልጅ እሴቶች እንዲሁም ፍላጎቶች ጋር የተጣጣሙ እንዲሆኑ አቅም የሚሆን ነው፡፡
Source: Ethiopian Artificial Intelligence Institute